Buongiorno amici e benvenuti nella nostra rubrica dedicata alla poesia. Pubblichiamo questi versi che ha voluto inviarci Angelina Spada. Se vi fa piacere potete lasciare un commento in fondo alla pagina. Grazie!
SALENTU TERRA MIA
“Salentu,
Terra mia,
stu core mai te nganna
me sì preziosa e duce
comu Manna!
Pe’ tutti sì ospitale,
tai ristoru,
pe’ mie sinti preziosa,
cchiui te l’oru!
Su nata e su pasciuta
cu pane e senza pane
quandu n’cera caristia
tra nu cippune e l’auru
te ua Rosa e Marvasia!
E me ricordu ca piccicca,
An terra ,iaticata
Ca m’ama,contadina,
sempre fore m’ha purtata!
Nun c’eranu li nidi,le ludoteche
ma lo stesso s’è campatu,
sordi nun ci nn’eranu
ma n’cera l’arte te lu rranciare,
nun c’eranu tanti izi
ma nisciunu se putia lamintare
e comu ticia la nonna mia:
” te lu picca se campa
te lu filu se more”….Figghia mia!!!
Orgogliosa figghia te contadinu
tice bbuenu lu proverbiu:
“scarpe rosse cirvieddrhu finu”…
su nata e crisciuta su sta’ terra te l’amore
terra ca sta chiange
sijuttandu pe tulore
ca nu bbe na cosa bella dopu tanta fatia
….ettari e ettari te arviri te ulia
distrutti te la xylella!!!
Ahhh! Salentu te stu core,
nu te preoccupare
ca rimani sempre beddrhu
cu lu Sule,Lu jentu ,Lu mare …e
lu Buenu amare!
Da orgogliosa SPADA ANGELINA”